Misogljáð eggaldin

• 1 stórt eggaldin

• 2 msk ólífuolía til að pensla eggaldinið

• smá sítrónusalt

• 4 msk ólífuolía

• 3 msk hvítt misomauk

• 1 msk hrísgrjónaedik

• 1 msk sojasósa

• 1 msk hlynsíróp

• 1 tsk sesamolía
  

  Toppið með:

• 2 stk vorlaukar

• 1 msk sesamfræ

• 1/4 rauð paprika

• Smá kóríander
  
  
  Hitið ofninn í 190 gráður.
  Skerið eggaldin í ca 1 cm þykkar sneiðar og setjið á ofnplötu með bökunnarpappír. Penslið smá ólífuolíu yfir hverja sneið og setjið smá sítrónusalt yfir og bakið í 20 mínútur.
  

  Á meðan hrærið ólífuolíu, misomauki, hrísgrjónaediki, sojasósu, hlynsírópi og sesamolíu saman í skál.
  Eftir 20 mín snúðu þá eggaldinsneiðunum við og penslaðu smá miso legi yfir hverja sneið og grillaðu í 4-5 mín. Passaðu bara að brenna þær ekki.
  Skerið vorlaukinn, papriku og kóríander.
  Þegar eggaldin sneiðarnar eru orðnar vel gljáðar, settu þær þá á fallegan disk og skreyttu með sesamfræjum, vorlauk, papriku og kóríander. Ef til vill smá sítrónubörk.

  Ég set svo restina af misogljáanum í litla skál ef einhverjir vilja bæta við smá meira ofan á.