Sítrónu- & vanillukaka

Kaka:

• 2 egg

• 2 dl hrásykur

• 2 tsk lyftiduft

• 2 dl spelt eða hveiti

• 1 dl laktósalaus Ab - mjólk með vanillu

• 1 msk sítrónusafi

• 1 tsk vanilla

Stillið ofninn á 180°C (blástur)

Þeytið saman egg og hrásykur þar til blandan verður létt og ljós.

Því næst er restin sett út í og hrært létt saman.

Setjið deigið í smurt form og bakið við 180°C í 25-30 mínútur.

Kælið kökuna vel áður en þið setjið á hana krem.

Krem :

• 100 g mjúkt smjör

• 200 g flórsykur

• 1 msk sítrónusafi

• Smá sítrónubörkur

• 1 msk laktósalaus rjómi frá Arna

• 40 g hvítt sítrónusúkkulaði smátt saxað

Þeytið saman smjör og flórsykur í 2 – 3 mínútur og bætið svo sítrónusafanum, sítrónuberki og rjóma út í.

Smyrjið kremið á kökuna og dreifið svo hvítu súkkulaðinu yfir hana