Ofnbakaður sítrónukjúklingur

• 1 stk heill kjúklingur

• Handfylli af fersku timían

• 4 hvítlauksrif

• 1/2 bolli ólífuolía

• Safi úr 1 sítrónu

• 3 msk gott hunang (ég notaði dásamlegt cumin hunang)

• Salt og pipar

• 1/2 púrrulaukur, saxaður í þunna hringi

• 2 sítrónur, skornar gróft

Blandið timían, hvítlauk, ólífuolíu, sítrónusafa, hunangi, salti & pipar í skál og maukið með töfrasprota

Setjið kjúklinginn í eldfast mót með loki eða í leirpott, hellið blandaða leginum yfir kjúklinginn og setjið svo púrrulaukinn og sítrónurnar með, lokið pottinum og setjið inn í 160 gráðu heitan ofn. Eldið kjúklinginn í 1 og 1/2 - 2 klukkustundir.

Dásamlega auðveldur og safaríkur kjúklingur sem að allir elska.