Misogljáð eggaldin

• 1 stórt eggaldin

• 2 msk olífuolía til að pensla eggaldinið

• 4 msk ólífuolía

• 3 msk hvítt misomauk

• 1 msk hrísgrjónaedik

• 1 msk sojasósa

• 1 msk hlynsíróp

• 1 tsk sesamolía

• 2 stk vorlaukar

• 1 msk sesamfræ

• 1/4 rauð paprika

• Smá kóríander

Hitið ofninn í 190 gráður. Skerið eggaldin í ca 1 cm þykka hringi og setjið á ofnplötu með bökunarpappír á.

Penslið smá ólífuolíu yfir hverja sneið og setjið smá sítrónusalt yfir og bakið í 20 mínútur.

Á meðan hrærið ólífuolíu, misomauki, hrísgrjónaediki, sojasósu, hlynsírópi og sesamolíu í skál.

Eftir 20 mínútur snúðu þá eggaldinsneiðunum og penslaðu smá misogljáa yfir hverja sneið og grillaðu í 4-5 mínútur í viðbót. Passið bara að brenna ekki.

Skerið vorlaukinn, papriku og kóríander.

Þegar eggaldinsneiðarnar eru orðnar vel gljáðar - settu á fallegan disk og skreyttu með sesamfræjum, vorlauk, papriku og kóríander.

Ég set svo restina af misogljáanum í litla skál ef einhverjir vilja bæta við smá meira.