Graskerssalat með salatosti & döðlum

• 1 grasker, (butternut squash), fræhreinsað og saxað í litla bita

• Smá olífuolía

• Salt & pipar

• 1 msk rótargrænmetis kryddblanda frá Kryddhúsinu

• 1 box af grænu salati

• Handfylli af klettasalati

• 1 krukka salatostur

• 4 msk þurrkuð trönuber

• Nokkrar greinar timían

• 10 stk steinlausar döðlur skornar í litla bita

• 1-2 msk góð ólífuolía

Setjið graskerið á bökunarplötu og skvettið smá ólífuolíu, salti, pipar og rótargrænmetis kryddblöndu frá Kryddhúsinu.

Bakið í 180 gráðu heitum ofni í 25-30 mín.

Takið graskerið út og kælið í nokkrar mínútur.

Setjið salatið á disk, því næst bökuðu graskersbitana, salatostinn, trönuberin, timían, döðlurnar og ólífuolíuna.