Súkkulaði prótein “búðingur” með heimatilbúinni “karamellu”

Súkkulaði búðingur:

• 1,5 bolli laktósafri grisk jógúrt frá Arna

• 1 msk Feel Iceland kollagen duft

• 1 msk kakóduft

• 1,5 msk mulin hörfræ

• 1 msk akasíuhunang

Öllu hrært vel saman i skál, sett í tvö glös og toppað með karamellu, hampfræjum og trönuberjum

Karamella:

• 1 bolli döðlur, steinlausar

• 2 bollar af sjóðandi heitu vatni (til að leggja döðlurnar í bleyti)

• 1/4 bolli vatn sem döðlurnar hafa legið í

• 2 msk hnetusmjör

• 1/2 tsk vanilla

• 1/2 tsk salt

Hellið sjóðandi vatni yfir döðlurnar. Látið standa í 5-10 mínútur. Takið döðlurnar úr vatninu og geymið vatnið, þar sem við notum í karamelluna.
Setjið döðlur, vatn, hnetusmjör, vanillu og salt í háa skál og notið töfrasprota eða blandara til að blanda allt vel saman.
Ef ykkur finnst karamellan of þykk, þynnið með meira af vatninu sem döðlurnar lágu í þar til þið eruð komin með karamellu þykkt sem ykkur líkar við.

Geymið í loftþéttu íláti í ísskáp í allt að viku.