Grilluð papriku- & sætkartöflusúpa

• 2 msk ólífuolía

• 1 meðalstór laukur, skorinn í bita

• 2 stórar sætar kartöflur, skrældar og skornar í teninga

• 2 rauðar paprikur, kjarnhreinsaðar og skornar í bita

• 3 hvítlauksrif, afhýdd

• 4 bollar grænmetissoð

• 2 fernur (390 ml) maukaðir tómatar med oreganó og basil

• 1 ferna (330 ml) kókosmjólk

• 1-2 tsk reykt paprikukrydd

• Safi úr 1/2 sítrónu

• ¼ tsk chilipipar, eða eftir smekk

• Salt og pipar
  
  Toppið með kókósmjólk, kókosflögum, svörtum pipar & ferskum kryddjurtum
  
  Grillið grænmetið - laukinn, sætu kartöflurnar, papriku og hvítlauk með ólífuolíu, salti, pipar og chili í 180 gráðum heitum ofni í 25-35 mín eða þar til allt er orðið mjúkt og gullið.
  Færðu grænmetið yfir í blandara. Bætið grænmetissoðinu og maukuðum tómötum út í og maukið.
  Setjið í pott og bætið reyktri papriku, sítrónusafa og kókosmjólk út í. Látið suðuna koma upp og látið malla í 10-15 mínútur.
  Smakkið til og bætið við meira salti, pipar og chili, eftir smekk.
  .