Grænt gyðjusalat

Hérna er mín útgáfa af gyðjusalatinu góða, stökkt og ofurferskt, stútfullt af trefjum og vítamínum og þá einna helst A, C og K vítamínum

• 1/2 hvítkálshaus, skorinn smátt

• 1 agúrka skorin smátt

• 2 græn epli eða 1 epli og 1 pera, skorin smátt

• Nokkur blöð af ferskri myntu
  
  Dressing

• 1 bolli fersk basilíka

• 1/2 bolli kryddjurtir að eigin vali (ég notaði kóríander + klettasalat)

• 1 hvítlauksrif

• 2 msk furuhnetur

• 1 msk næringarger (nutritional yeast)

• Safi úr 1 sítrónu

• 1/4 bolli ólífuolía

• 1/4 bolli vatn

• 1/2 tsk salt + svartur pipar að vild
  
  Skerið allt grænmetið í litla bita og setjið í skál. Setjið öll hráefnin sem eiga að vera í dressingunni í blandara og blandið þar til dressingin er orðin silkimjúk.
  
  Hellið ofan á grænmetið og blandið vel saman. Ég hef stundum blandað smá graskersfræjum fyrir enn meiri “crunch”.