Auðvelt Asískt byggsalat

• 2 bollar soðið banka bygg (1 hluti bygg- 2 hlutar vatn, smá grænmetiskraftur )

• 4 msk chili ristaðar kasjúhnetur

• 2 vorlaukar skornir smátt

• Handfylli af kóríander söxuðu

Dressing:

• 4 msk ólífuolía

• 1-2 msk lime eða sítrónusafi

• 1 msk hlynsýróp eða hunang

• 1 tsk ristuð sesamolia

• 1 tsk tamari sósa

• 1/6 tsk chili flögur

• smá rifið engifer

• 1 hvítlauksrif pressað

  Setjið allt sem á að fara í dressinguna í krukku, lokið og hrisstið vel saman.

  Sjóðið byggið í potti. Fáið suðuna upp og setjið svo lok á og lækkið niður í 1 og látið vera á hellunni í um 15-20 mínútur. Þá ætti byggið að vera tilbúið, mér finnst voðalega gott að hafa byggið ekki ofsoðið. Kælið.

  Hellið kældu bygginu, kasjúhnetunum, vorlauk, kóríander og dressingunni í skál og blandið vel saman. Saltið og piprið eftir smekk. Þetta salat er alveg dásamlegt ogjafnvel betra daginn eftir.