Gljáðar gulrætur með ristuðum heslihnetum og kóríander- & engifersósu

• 8 gulrætur, skornar í tvennt langsum

• 1 msk ólífuolía

• 1/2 tsk sjávarsalt

• 1/2 tsk gróft malaður svartur pipar

• 1/2 - 1 tsk cuminduft

• 1/4 tsk chiliflögur

• 4 msk heslihnetur, skornar gróft

• 1/3 rautt chili, saxað í þunna hringi
  
  Hitið ofninn í 200 gráður. Setjið gulræturnar í ofnskúffu klædda bökunnarpappír og blandið vel saman við olíuna og kryddin. Dreifið svo úr gulrótunum. Bakið þær í ofninum í 10-15 mín eða þar til þær eru orðnar fallega gylltar og mjúkar.
  
  Síðustu 5 mínúturnar - setjið heslihneturnar inn í ofninn og ristið.
  
  Kóríander- og engiferjógúrtsósa:

• 1 box ferskt kóríander

• 1 bolli laktósafrí grísk jógúrt frá Arna

• 1 hvítlauksrif

• Fersk engiferrót, ca 3 cm

• 1 msk límónu eða sítrónusafi

• ½ tsk sjávarsalt

• ½ tsk svartur pipar

• 1 tsk cuminduft

• 1 tsk hlynsíróp
  
  Öllu blandað saman með töfrasprota 💫
  
  Setjið saman á disk: 2-3 msk jógúrtsósu, því næst hluta af gljáðu gulrótunum og toppið með heslihnetunum, chili og jafnvel baunaspírum eða öðru fersku kryddi eins og kóríander.