Rauðrófur, nektarínur & geitaostur

• 1 stór eða 2 litlar rauðrófur afhýddar og skornar í bita

• Ólífuolía, salt, chiliflögur

• Salat

• 1 nektarína skorin í þunna báta

• 4 msk ristaðar chili kasjúhnetur, gróft saxaðar

• 2-3 msk sítrónuolía

• Sprettur

• 50 gr geitaostur

Hitið ofninn í 200 gráður, setjið rauðrófubitana á ofnskúffu með bökunarpappír, hellið örlítilli ólífuolíu yfir og síðan salt og chiliflögur. Bakið/grillið í ca 20 mínútur eða þangað til bitarnir eru vel grillaðir.

Setjið salat á fallegan disk, svo grilluðu rauðrófubitana, nektarínur, klípið litla bita af geitaostinum og dreifið yfir. Toppið svo að lokum með sítrónuolíu, sprettum og kasjúhnetum.