Salat með bökuðu grænmeti, nektarínum, pekanhnetum og appelsínu- & kóríanderdressingu

• 1 box af klettasalati

• 1 rauðrófa

• 1/2 sæt kartafla

• 3 nektarínur skornar í báta

• 2 gulrætur flysjaðar í strimla

• 1/4 bolli þurrkuð trönuber

• 1/3 bolli pekanhnetur

Rauðrófan og sæta kartaflan skornar í litla bita og bakaðar í 200 gráðu heitum ofni með olíu, salti og pipar í ca 20 mín. Kælið örlítið.

Setjið klettasalat á disk því næst bakaða grænmetið, nektarínubátana, gulrótarstrimlana, trönuberin og pekanhneturnar.

Hafið dýrðlegu dressinguna til hliðar eða hellið fallega yfir salatið.

Kóríander- og appelsínudressing

• 1 appelsína flysjuð, skorin í bita

• 1 box kóríander

• 1 box steinselja

• 1 hvítlauksrif

• 1 tsk hunangssinnep

• 2/3 bolli ólífuolía

• Sítrónupipar & salt

Setjið allt efnið fyrir dressinguna í góðan blandara eða notið töfrasprota til að blanda henni vel saman.