Unaðsleg sveppa- & timíansúpa

Mynd/ Gaby

• 700 gr sveppir

• 1 laukur

• 2 hvítlauksrif

• 2 selerístilkar

• 1 msk þurrkað timían

• 3 msk ólífuolía

• 2 dósir kókosmjólk

• 600 ml grænmetiskraftur (vatn og grænmetisteningar)

Skerið sveppina, afhýðið laukinn og hvítlaukinn.

Saxið laukinn og selerí smátt.

Steikið sveppi, lauk, hvítlauk, sellerí og timían í nokkrar mínútur í stórum potti í ólífuolíunni. Bætið kókosmjólk og grænmetissoði í pottinn og látið sjóða við vægan hita í ca 15 mínútur. Smakkið til og bætið ef til vill smá salti út í eða smá meira af grænmetiskrafti. Setjið í lokin töfrasprota í pottinn og maukið súpuna vel svo hún verði flauelsmjúk.

Dásamleg súpa sem er frábær borin fram með hvítlauksbrauði.