Gulrótar- og engifersúpa

• 1 msk ólífuolía

• 2 skallotlaukar, saxaðir

• 1 sellerístöngull saxaður

• 1 msk collagenduft @feeliceland (má sleppa)

• 1/2 tsk sjávarsalt

• 3 hvítlauksrif

• 500 gr gulrætur, gróft saxaðar

• Góður bútur engifer, saxað gróft (fer eftir hversu “spicy” þú vilt hafa súpuna)

• 1 msk sítrónusafi eða eplaedik

• 750 ml grænmetissoð

• 1 tsk Gullkryddblanda frá Kryddhúsinu

• Nýmalaður svartur pipar

• 1 tsk akasíuhunang, valfrjálst

• Skreytið með til dæmis kóríander/ kryddjurtum, goiji berjum og nýmöluðum pipar
  
  Setjið olíu í meðalstóran pott og hitið. Bætið svo öllu í pottinn og fáið suðuna upp. Lækkið svo aðeins hitann og leyfið að malla í um 25-30 mínútur, hrærið í af og til.
  Slökkvið undir súpunni og lofið að kólna áður en þið færið hana yfir í góðan blandara. Blandið súpuna vel, það má líka nota töfrasprota við að mauka súpuna.

  Ef súpan er of þykk skaltu bæta við hana smá meira vatni.
  Hitið súpuna og hellið á diska - skemmtilegt að toppa hana svo með: ferskum kryddjurtum, goiji berjum og svörtum pipar